BIOGRAFI
VERA SARI MULYATI
Dina ieu waktos abdi bade
nerangkeun biografi salah sahiji babaturan abdi nu wastana Vera Sari Mulyati.
Anjeunna teh babar di Garut, 9 Maret 2000. Anjeunna mangrupa putri ka dua ti
tilu saderek, ti pasangan bapa Didi Kurniadi sareng ibu Tia Setiawati. Anjeunna
linggih di Kp.Gentengpacing, Jl.Salam-Sayang sareng keluargana.
Sawaktos di SD anjeunna hoby maen bal sareng maen
langlayagan. Anjeunna sakola di SDN inti Cibunar II. Prestasina kapungkur di SD
nyaeta, kelas 3 kantos ngiringan lomba nembangkeun pupuh tingkat gugus kenging
juara ka-2, kelas 4 anjeunna ngiringan olimpiade IPA tingkat gugus kenging
juara ka-3, lomba maca warta tingkat gugus kenging juara ka-3, kelas 5 na
kantos oge ngiringan lomba nyanyi solo kenging juara ka-3 tingkat gugus, lomba
CERGAM kengin juara ka-3 tingkat gugus, sareng terahir ngiringan lomba di
bidang olahraga nyaeta lomba voli jeung badminton, lomba badminton anjeunna
kenging juara ka-3 tingkat gugus sareng lomba voli juara ka-2 tingkat Kabupaten.
Anjeunna neraskeun ka SMPN 1 Cibatu, benten sareng SD di
SMP anjeunna leuwih nekunan ka organisasi basket nepi ka manehna ngiringan
lomba basket antar SMP sa-Cibatu. Tos lulus ti SMP anjeunna neraskeun sakola ka
SMAN 3 Garut, prestasi nu kantos diraihna nyaeta Lomba Baris Berbaris di
Kabupaten Garut.
Penulis :
Alisa Alawiyah
Kelas : XI.IPA.3
BIOGRAFI
ALISA ALAWIYAH
Dina ieu waktos abdi bade
nerangkeun biografi salah sahiji rerencangan abdi anu wastana Alisa Alawiyah.
Anjeunna the babar di Garut,27 Agustus 1999. Anjeunna mangrupa putri ka
opat ti tujuh saderek, ti pasangan bapa
Andi Saripudin sareng ibu Popon Yunani.
Sawaktos SD anjeunna sakola di SDN Cibunar V, hoby
anjeunna waktos SD nyaeta maen sapintrong sareng rerencanganana di aula sakola.
Prestasina kapungkur di SD nyaeta pernah ngiringan lomba cerdas cermat tingkat
gugus, kenging juara ka dua, waktos anjeunna kelas lima kantos ngiringan lomba
Qasidah di tingkat Kecamatan, anjeunna kenging juara harepan 3, kelas genepna
anjeunna ngiringan deui lomba Qasidah tingkat gugus, anjeunna kenging juara ka
hiji.
Anjeunna
neraskeun sakola ka SMPN 1 Cibatu, hoby
anjeunna di SMP teh, sering papasakan bari kerja kelompok di bumi
rerencanganna. Anjeunna sareng abdi mimiti kenal ku lantaran rerencangan abdi
teh aya nu sakelas sareng anjeunna, waktos eta abdi sareng anjeunna teh ngan
saukur seuri sareng pataros biasa.
Ayeuna anjeunna neraskeun sakola ka SMAN 3 Garut. Waktos
kelas sapuluh abdi sakelas sareng anjeunna di kelas sapuluh hiji tapi teu
sabangku. Waktos kelas sabelas ayeuna anjeunna lebet atanapi milih jurusan IPA,
kabeneran anjeunna teh sakelas deui sareng abdi nyaeta di kelas sabelas IPA 3,
tidinya abdi sareng anjeunna makin akrab.
Penulis :
Vera Sari Mulyati
Kelas : XI.IPA.3
No comments:
Post a Comment